KINDA LA KITANZANIA KUTOKA MWANZA TSC ANAENDA ISRAEL KUCHEZA SOKA LA KULIPWA

 

Baada ya kufanya vizuri kwenye mechi za kombe la Insel Cup lilofikia tamati leo hii, nimepata taarifa rasmi kutoka kwa klabu ya Macabi Haifa ya Israel, hapa Ujerumani kwamba kwamba watamsajili mchezaji wa timu ya Mwanza TSC Emily Mgeta.

Shaffih Dauda nikiwa na waandaji wa michuano ya Insel Cup nchini Ujerumani.

Kwa takribani siku ya pili sasa nipo nchini Ujerumani kwa ajili ya safari ya kikazi. Nikiwa hapa Ujerumani nimefanikiwa kushuhudia baadhi ya mechi ya kombe la Insel Cup - michuano inayoshirikisha vilabu tofauti kutoka sehemu mbalimbali duniani.

Moja ya timu iliyoalikwa kwenye michuano hii, ni timu ya kituo cha kulelea watoto wa mitaani cha jijini Mwanza TSC chini ya mwalimu wa siku nyingi wa soka Rogisian Kaijage. 

Kikosi cha TSC Kilichocheza na Maccabi Haifa

TSC imeshika nafasi ya sita katika michuano ya timu nane iliyoshirikisha timu kama Maccabi Haifa (under 19) ya Israel, Hoffenheim, 1860 Munich, Hadjuk ya Croatia, Kaslsruher ya Ujerumani. na nyinginezo.

Katika mechi yake ya kwanza TSC walitoka sare ya 2-2 na 1860 Munich B, wakatoka sare tena ya 1-1 na TSG Hoffenheim kabla ya kutolewa kwenye robo fainali ya Maccabi Haifa ya Israel kwa bao 

1 - 0.

Kikosi cha Maccabi Haifa kilichoitoa TSC kwenye robo fainali.



Bingwa wa mashindano hayo ilikuwa ni timu ya Kaslsruher ya Ujerumani iliyoifunga Maccabi Haifa ya Israel.

Golikipa wa bora wa michuano Omary Abubakary akipokea hundi ya Euro 400 kama zawadi